MUANI TE NUFA [Full story]
MUANI TE NUFA [Ziaktu: C. Chhuanawmi] BUNG 1-NA: Nu emaw pa emaw i nih chuan fanau enkawl dan lehkhabu chi hrang hrang te hi i chhiar ve nual tawh awm e. Khang lehkhabu ṭ henkhat te khan ka pasalin hun lo taka min boralsan hnua ka fate pahnih, Thankima leh Chhuantei te, ka enkawlna lamah pawh thui tak chu min ṭ anpui ve ngei mai a. Mahse, khami nî-a ka thil hmuh leh hriat te hmachhawn tur erawh chuan min puahchah zo lo chiang kher mai. A chhan chu maw, chung lehkhabu-ah te chuan, "I fapain i stockings hmanga a zang a hrawt lai i man hlauh chuan...” tih chuanna phek a awm miah loh vang a ni, ka chiang tik tek lutuk tlat! Ka hming chu Lalmuanpuii a ni a, mi tu te mai pawh hian Muani tiin min ko va. Hmeithai, fate pahnih ṭulpui ka ni a, kum 38 mi lek ka la ni. Real estate lamah ei zawngin, a hlawhtlin pawh ka hlawhtling viau nghe nghe. Hna thawkrim mi ka ni a, ṭhenawm khawvengte ngainat zawng, nu hleitling ve tak, khawtlang leh kohhran lamah pawh mahni phak ang tawka inhmang ka ni a,...